G Suite berriak Google Workspace izena du

Googlek bere produktuak bateratzeari ekin dio, beste behin ere. Irudi eta ikurrak bateratzeaz gain, G Suitetik kanpo zeuden aplikazioak ere batzeari ekin dio. Gmail, Docs, Meest, Sheets eta Calendar elkartuko dituen suite berriak Google Workspace izena eramango du. Ordainpeko eta doako zerbitzuak eskainiko ditu. Hala adierazi dute G handiko blog ofizialean.

Helburua, Microsoft gainditzea

Bulegotika edo ofimatika munduan Microsoft izan da urte luzez garrantzitsuena, eta arerio handi horren bila doa Google aldaketa berri honekin.

Berrikuntzei begiratzen badiegu, aplikazio zehatz bakoitzean, besteen elementuak txertatzean jarriko du azpimarra G handiak. Hau da: Dokumentu bat idazten ari bagara, klik xume bat egitearekin nahikoa izango da aurkezpen batean elementuak gehitzeko. Edo datu taula batean gaudela bideo-dei bat egin bertan ikusten ari garena elkarbanatu eta batera lan egiteko.

Berrikuntza hauek apurka-apurka txertatuko dira gaur egungo aplikazioetan. Hasiera batean kontu pertsonaletarako egongo da erabilgarri eta ondoren erabiltzaile profesionalentzat.


Argitaratua

hemen:

,

nork:

Iruzkinak

2 erantzun “G Suite berriak Google Workspace izena du” bidalketan

  1. […] Google gu zelatatzen ari da, eta hemendik aurrera gutxiago ezkutatuko […]

  2. […] Google Drive, fitxategi ezberdinen gordailua da, baina baita bulego programen atari bat ere. Phishing erasoa, bertan dagoen dokumentu bat helarazi nahi digutelaren mezuarekin hasten da. Mezu hau ohiko email bat bezala iritsi liteke, edo push mezu bat bezala gure mugikorrera (azken kasu honetan, gure gailuan Drivera eramango gaituen mezu zuzen bat agertzen da). Drive aplikazioa mugikorrean instalatua dagoenean gertatzen da hau. […]

Utzi erantzuna

Zure e-posta helbidea ez da argitaratuko. Beharrezko eremuak * markatuta daude